من روائع سهل الكسر في البل

من روائع سهل الكسر في البل

اخواني اعضاء منتدى شبكة عتيبه اخترت لكم هذه المره احدى راوئع الشاعر سهل بن نايف الكسر وهي في البل وارجو ان تنال استحسانكم يقول سهل

لعل السحاب اللي يخيل وفيه بروق = على اول دخول الوسم مع طيحة الامطار
تساقا ثعوله من سميره ليا ساحوق = على الديره اللي تنبت الربل والنوار
تباشر به البدوان معهم يزيد الشوق = مشوا واشملوا من عقب ما انووا علىالمحدار
ليا جاهم العساس والعلم جا ماثوق = ولقا شبعة البل فالخزامى وفالصفار
ليا زوعت برقا واحالت تباري روق = تخالط دبشهم فالمضحى وفالمحضار
منازيلهم دايم دكاك ودماث عروق = ويشبون للبل لا ضوت فالمراح النار
نباها تزوع يا محمد مع المشقوق = تحط الينوفي والعبل والجذيب يسار
مجاهيم شول يوم تزمي مع اللاهوق = كما الغيم الاسود يوم يزمي مع النهار
سوادت وبرها كن فيه الكحل مسحوق = هي البل ليا قامت تبادح تقول احرار
عددها يجي تسعين ملحا ومنها فوق = فطاير وسدس وربع واثنا ومعها بكار
تخازر تبا الراعي ليا ساق له مسيوق = طوال الغوارب واللحي والردوف قصار
مذاريب اذانيها كما الخنجر المذلوق = وساع المناكب والنحر والظهور كبار
مواريث اهلنا ما شرانا جلايب سوق = لو ان البداوه عودت في يد التجار
بنات الجمل حرشان هرشٍ بعيد عموق = كبير الخفاف وطول جنبه ثلاث امتار
سنامه عن الغارب ورا فاهقٍ مفهوق = طويل السنام ليا زما يجحد الفقار
عريض بخده رخوم ووسيع شدوق = جليل العضود وشطحٍ ما تنوش الزار
انا مولع ٍ فالبل واوصف وراعي ذوق =ولي نظرةٍ والناس تخالف الانظار
ترى البل تسلي واحدٍ خاطره مخنوق = اناسه ورفع حجاج وتهيض الشعار
تخض العشوب وتقطف الربل والزملوق = ثلاثين ليل يبين الزود فالمشكار

المصدر: عتيبة | منتديات قبيلة عتيبة

---

lk v,hzu sig hg;sv td hgfg

صح السانك يبن مناحي
وصح لسان قايلها

تقبل تحيات ابن حمد

نشكرك على هذه المشاركه ياعبدالله وهذى من طبعك
وحنى من ربعك وصح لسان قايلها



اخوك




عــــــــــــــــــــــــــــــــــــــبــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــيــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــد

أبو فايز ،، بارك الله فيك ..

وأشكرك على مشاركاتك الرائعه ...


رغم إنك تطول ما تدخل الشبكة .. ولكن

لا تنسانا بالجديد .. ولك مني أزكى التحيات

مشكور وصح السانك ولسان قايلها

ماقصرت ياخوي مناحي <<<<
بس ياخوان انا عندي قصيده للشاعر خالد الكسر المرشدي .
في الكويت ...... وابيلها محل <<< الله لايهنيكم.